Current Nepali Time
संविधानसभामा प्रत्यक्ष सिटमा विजयी भएका २ सय ३९ जनामध्ये ४५ वर्षमुनिका युवाको संख्या ४४ जना पुगेको छ । चुनाव जित्नेमा सबभन्दा कान्छा सभासद एमालेका ताराकान्त चौधरी भएका छन् ।
सबभन्दा बढी उमेर पुगेका बृद्ध सभासदमा भने कांग्रेसका सभापति सुशील कोइराला, मजदुर किसान पार्टीका अध्यक्ष नारायणमान विजुक्छे छन् । कोइराला ७४ र विजुक्छे ७३ बर्षका छन । युवा महिला दुइ जनामात्रै छन । अधिकांश ५० देखि ६० उमेरकाका प्रतिनिधित्व रहेको छ ।
संविधानसभा निर्वाचनमा सात जना उम्मेदवार सय मतको अन्तरले चुनाव जित्नेमा कांग्रेस, एमाले र एमाओवादीलगायत उम्मेदवार छन् । मोरङ ४ मा एमाओवादीका शिवकुमार मण्डलले कांग्रेसका गयानन्द मण्डल गन्गाईलाई सबभन्दा कम ८ मत अन्तरले पराजित गरेका छन् । ९ हजार ३ सय ५२ मत ल्याएका कांग्रेसका गयानन्दलाई एमाओवादीका शिवकुमारले ९ हजार ३ सय ६० मत प्राप्त गरी जितेका हुन् ।
मुस्ताङका कांग्रेस उम्मेदवार रोमी गौचन थकालीेले र कांग्रेसकै बागी उम्मेदवार ओमप्रसाद तुलाचनलाई २२ मत अन्तरले पराजित गरे । गौचनले १४ हजार २४ मत ल्याए भने तुलाचनले १४ हजार २ मत प्राप्त गरे । उदयपुर २ की एमाले उम्मेदवार मन्जु चौधरीले कांगे्रसकी प्रमिला राईलाई २३ मतको अन्तरले हराइन् । एमालेकी चौधरीले ७ हजार ५ सय ३४ मत प्राप्त गरेकी छन् भने कांग्रेसकी राईले ७ हजार ५ सय ११ मत ।
पर्वत २ मा एमाले उम्मेदवार विकास लम्सालले कांग्रेसका नवराज गुरुङलाई २८ मत अन्तरले पराजित गरे । लम्सालले ११ हजार १ सय ४१ र गुरुङले ११ हजार १ सय १३ मत ल्याए । पाल्पा २ मा एमालेका सोमप्रसाद पाण्डेले कांग्रेसका वीरबहादुर रानालाई ९५ मत अन्तरले पराजित गरे । पाण्डेले १३ हजार १ सय ९३ र रानाले १३ हजार ९८ मत प्राप्त गरे ।
सिन्धुपाल्चोक १ मा कांग्रेसका मोहन बस्नेतले ३२ को मत अन्तरले एमालेका अरुण नेपाललाई पराजित गरे। बस्नेतले १५ हजार २१ मत ल्याई १४ हजार ४ सय ८९ भोट पाएका नेपाललाई जितेका हुन् ।
रूपन्देही ३ मा कांग्रेस नेता बालकृष्ण खाँडले एमाले नेता घनश्याम भुसाललाई ८६ मत अन्तरले पराजित गरे । खाँडले १८ हजार ४ सय ८१ मत पाए भने भुसालले १८ हजार ३ सय ९५ मत ल्याए ।
कांग्रेस-एमालेबीच
संविधानसभामा पहिलो शक्तिका लागि प्रतिस्पर्धा गरेका कांग्रेस-एमालेबीच प्रत्यक्षतर्फको सीटमा जस्तै समानुपातिक तर्फको मतमा पनि तिब्र प्रतिस्पर्धा देखिएको छ ।
देशभर सुरु भएको समानुपातिकतर्फको प्रारम्भिक नतिजामा एमालेले कांग्रेसलाई उछिनेको छ । एमाओवादीले प्रत्यक्षतर्फ जस्तै समानुपातिकमा पनि तेस्रो स्थान सुरक्षित गरेको छ । प्रत्यक्षतर्फ एक सिट पनि जित्न नसकेको राप्रपा नेपालले उल्लेख्य मत सहित चौथो स्थान प्राप्त गर्ने देखिएको छ । उसले काठमाडौंसहित सहरी क्षेत्रमा धेरै मत प्राप्त गरेको छ ।from kantipur/np मंसिर १० 2070- See more at: http://www.ekantipur.com/np
कांग्रेसका विजयी हुने उम्मेदवार कुन् पक्षका हुन् सूची हेर्नुस्ः
चुनावअघिका चर्चित ‘बागी’को बेहाल
एमाले र एमाओवादीका बागीले कांग्रेसलाई फाइदा
संविधानसभा निर्वाचनको परिणाम आउनुअघिसम्म नेपाली कांग्रेसका तीन वागी उम्मेदवार विकास कोइराला, सुप्रभा घिमिरे र पूर्णबहादुर गुरुङ निकै चर्चामा थिए । चर्चामा नआएका कपिलवस्तु २ का कांग्रेसका बागी उम्मेदवार अतहर कमाल र महोत्तरी ४ का अर्का स्वतन्त्र उम्मेदवार चन्द्रदेव झा विजयी भए । तर, यतिबेला विकास, सुप्रभा र पूर्णबहादुर गुमनाम छन् । टिकट नदिएको भन्दै कांग्रेसकी नेतृ सुप्रभाले काठमाडौंमा ४ मा युवा नेता गगन थापाविरुद्ध उम्मेदवारी दिनु भएको थियो । एमालेका निर्मल कुइँकेल र एमाओवादीका पासाङसँग कडा प्रतिस्पर्धा गर्नु पर्ने बेला सुप्रभाको उम्मेदवारले गगनलाई अफ्ठ्यारोमा पार्ने धेरैको अनुमान थियो । तर, परिणाम सार्वजनिक हुँदा गगन २२ हजार २ सय २६ मतले विजयी हुनु भयो । निर्वाचन आयोगका अनुसार सुप्रभाको मत भने जम्मा ९२ छ । चितवन ४ मा कांग्रेस सभापति सुशील कोइरालाविरुद्ध बागी दिएपछि पूर्व जिल्ला सभापति विकास चर्चामा तर, सुशील २० हजार ७ सय ६० मतसहित विजयी हुँदा विकास भने १ हजार ८३ मतमा सिमित हुनुपर्यो । कांग्रेसका अर्का बागी पूर्णबहादुर गुरुङले उपसभापति रामचन्द्र पौडेललाई ओंठमुख सुक्ने अबस्थामा पुर्याउनुभयो । तर, परिणाम आउँदा पौडेल १८ हजार १ सय ४९ मतसहित विजयी हुनुभयो भने गुरुङले २ हजार ७ सय २७ मतमात्र पाउनुभयो । - See more at: http://www.onlinekhabar.com
No comments:
Post a Comment