आठ सय वर्षभन्दा पुरानो इतिहास बोकेको जापानको गिफु क्यास्टल अर्थात् गिफु महल माउन्ट किन्का माथि रहेको छ । सबै भन्दा पहिला १२०१ मा माउन्ट किन्कालाई गिफुको एक किल्लाको रुपमा बनाएको थियो ।
१५६७ मा ओडीए नाबुनागाले त्यो किल्ला कब्जा गरेपछि ठाउँको नाम बदल गिफु महल राखेका हुन् । ओडीएले गिफु क्षेत्रको विकास र विस्तारको नयाँ राजनीतिका साथ एकीकृत रुपमा चहलपहल को स्थान बनाएका थिए ।
ओडीए परिवार हिदेनोबुको पछि नोगुनागाको नाति जापानको ईदो शोगुनेट शासनको दुई सय ५० साल भन्दा पछि सन् १६०० मा सेकिहाराको निर्णायक लडाईंमा हारेको हुनाले यो महल पनि छोड्न बाध्य भएका थिए ।
हाल यो महल चार तल्लाको रहेको छ । महलको चौथो ताला १९५६ मा बनाएको हो र त्यसपछि यो महल गिफु सहरको एक लोकप्रिय प्रतीक बन्दे आएको छ ।
गिफु महल जाँदा देखिने दृश्यहरु
गिफु महल संग्रहालय
गिफु महल पनि संग्रहालयको रुपमा रुपमा परिवर्तन भएको छ । यसभित्र ओडीए नाबुनागाको परिवारको फोटो र उनीहरुको इतिहास देख्न सकिन्छ । साथै उनीहरुको परिवारले प्रयोग गर्ने हतियार सैनिक पोशाक र अन्य कुराको जानकारी पनि सजिलै लिन सकिन्छ ।
रमणीयस्थल
गिफु महल गिफुपार्कबाट एक हजार ८० यन शुल्क तिरेर रोपवेमार्फत तीन मिनेटमा पुग्न सकिन्छ । तल गिफुपर्कबाट माथि गिफु महलसम्म को हरियाली अति नै लोभ लाग्दो छ । माथि गिफु महल वरिपरी पनि रमणीय हरियाली वातावरण देख्न पाइन्छ । गिफु महलको चौथो तल्लाबाट गिफु सहरको चारैतिरको दृश्यावलोकन गर्न सकिन्छ । जहाँ नागारा गावा (खोला) सहरको बीचबाट बगेको र महलको आसपासका जंगल हेर्न लायक छ ।
पोनोरोमा रात्रि दृश्य
गिफु महलको अर्को आकर्षण भनेको पोनोरोमा दृश्य हो । रतिको समयको यो दृश्य हेर्न लायकको हुन्छ तर यो हेर्नका लागि समयतालिका मिलाउनु पर्ने हुन्छ ।
गिफु पार्क
गिफु महल जाँदा सबैभन्दा पहिला तलको गिफु पार्कमा घुमघाम आनन्ददायक हुनसक्छ । कलकल पानीको झरना, रमाइलो वातावरण सुन्दर दृश्य, ढकमक्क फूलहरुको बँगैचा मनमोहक छ ।
हईकीन्न
गिफु महल जानका लागि गिफु पार्कबाट माउन्ट किन्का रोपवेबाट तीन मिनेटमा पुगिन्छ । तर पार्कबाट जंगलको बाटो भएर पनि यात्रा गर्न सकिन्छ । यसरि यात्रा गर्दाको रोमाञ्चकताका लागि मानिसहरु उद्धेलित हुने गरेका छन् । यो रुटमा करिब एक घण्टा ३० मिनेटको समयमा रोपवेको माथिल्लो स्टेश्नसम्म पसग्न सकिन्छ ।
